Saturday, December 20, 2008

وأنتى تبقين

دعيهم يقولون ما يشاؤن
انهم لا يعرفون

انتى مصر ... انهم لا يفقهون

لم يتخذوا سفنا ليبحروا بها فى كتب التاريخ

لم يقرؤا يوما القرأن والأنجيل

هنا جرحنا ... هنا بكينا ... هنا ضحكنا

هنا استشهد رجالنا ونسائنا

هنا مشينا .. هنا احببنا ... هنا غنينا

هنا شيدنا أعظم حضارة فى التاريخ

وهنا أقسمنا ان نعيد مجدنا التليد

أنتى مصر ... يرحلون سيدتى .... وأنتى تبقين

حلوة يا بلدى

انا مش ضد الخيار


من العجائب التى تداولتها الصحف فى الفترة الاخيرة وحاولت تعمل للفكرة تسويق اننا قررنا نسلك الخيار النووى السلمى ... طبعا احنا مش ضد الخيار ومش ضد النووى ومش ضد السلمى .. انما لما تكون عندنا مشكلة طوابير العيش والحكومة لسة بتفكر انها تفصل الانتاج عن التوزيع والكلام الكبير دة .. يبقى لازم نفكر قبل ما نقول خيار نووى سلمى .. يعنى على قد معلوماتى ان موضوع النووى دة محتاج ميزانية متقلش عن خمشر تمناشر مليار جنية لمدة كذا سنة ... يبقى المنطق بيقول بخمشر تمناشر مليار نحل مشكلة العيش عشان الناس تعيش وتقدر تنعم بعد كدة بالخيار براحتها ... بس الناس لو ملقتش العيش هتموت ... طب لو ماتوا والنبى مين هيستمتع بالخيار سعتها ؟؟؟ المثل بيقول جنة من غير ناس ما تنداس .. وبعدين محبكش النووى اليومان دول ما احنا عايشين من غيرة بقلنا سنين والحمد لله ومع ذلك المنتخب بيكسب كاس الامم الافريقية وكلة مية مية ... انا شايف فى الوقت دة ان العلاقة الوحيدة اللى ممكن تكون بين موضوع العيش والخيار اللى بيتكلموا علية هى ...الجبنة... بالفكاكة كدة !!!!

Wednesday, December 17, 2008

احداث الرابع عشر من ديسمبر - الجزء الثانى

للأسف فى ناس وجعوا دماغنا ان اللى حصل ما يصحش وان اخلاق العرب مع الضيف مهما كان مينفعش توصل للحد دة وان اللى حصل ضعف حاد فى الحقيقة وان تهليل بقايا اللى عندهم دم على الأحداث مش فى محلة ( الظاهر فى محل عم حسن بتاع الجبنة ) ... فى الغالب هما نسيوا ان رد الصحفى منتظر الزيدى رد مواطن مش على ضيف بيزور بلدة وانما رد مواطن على واحد محتل لبلدة من اكتر من 5 سنوات مع كشف حساب صغير يا دوب بمليون ونص قتيل عراقى كوكتيل أشى ستات على شيوخ على اطفال على شباب حبة سنة وحبة شيعة ومفيش مشكلة برضو مسيحى على كردى على تركمانى ماهى زيطة بقى وبعدين بيكلمونا على اخلاق استقبال الضيف اللى عملة منتظر الزيدى عمل رد فعل عالمى يا سادة مش عربى بس واحنا مش بنقول ان التصرف دة حرر فلسطين ولا هيحرر فلسطين ولكنة خطوة من مواطن عراقى شاف الراجل اللى اعترف انو اتسرع فى قرار الحرب قبل ما يتأكد من وجود اسلحة دمار شامل ولما سئلة فى استهجان طيب والمليون ونص اللى ماتوا عشان سعادتك اتسرعت كان الرد فى جنة الخلد


دى مجموعة من الرسومات تعليقا على الحادثة من الصحافة العالمية مش العربية

احداث الرابع عشر من ديسمبر

رئيس تنظيم رمى الصرم - منتظر بك الزيدى - عين أعيان العراق

أسلحة الصرمة النووية المش محرمة دوليا ومعتمدة امريكيا


Monday, December 15, 2008

بالجزمة يا ابن .... تييييييييييييييييت



حادثة منتظر الزيدى مراسل احد القنوات العراقية مع الرئيس المنصرم جورج بوش فيها قراءات كثيرة 
ومليئة بالدلالات العديدة فكما قال منتظر الزيدى وهو يلقى الحذائين على بوش هذة هى قبلة الوداع ونعتة بالكلب
فستكون هذة هى اخر ذكريات بوش الاليمة عن العراق التى أدمى شعبها بأكثر من مليون ونصف قتيل هما مدة 
احتلال القوات الامريكية على العراق حتى الان ،  ومن ناحية اخرى ان دلالة الحذاء فى ثقافتنا العربية تحمل العديد من معانى الاهانة والتحقير ثم ها هو السحر ينقلب على الساحر فعند احتلال العراق وعند سقوط تمثال صدام حسين قامت الناس بضرب تمثال صدام حسين بالأحذية وسوء تم ذلك بأيعاز من جيش الولايات المتحدة او تم فبركة مشهد التصوير
فا هو بوش يذوق نفس النهاية وبنفس الفكرة مع اختلاف الحذاء ، ودلالة اخرى هى رسالة الى الولايات المتحدة التى طالما تغنت بنعمة الامان التى وفرتها فى العراق خلال فترة احتلالة وخصوصا المنطقة الخضراء التى تم عقد اللقاء الصحفى بها والتى تتفاخر الولايات المتحدة الامريكية بأنها اكثر المناطق الامنة بدولة العراق ليأتى الحادث ليدلل على حالة من الفشل الامنى والمخابراتى وحالة من التخبط فى الاجراءات التى كان من المفروض ان تتم بطريقة اكثر حرفية من اطقم الحراسة والمخابرات الامريكية التى تتدعى الولايات المتحدة انها الاقوى .... الموضوع بة العديد والعديد من الدلالات اما الدلالة الاخيرة التى سأكتب عنها واثارت اهتمامىهو شجاعة هذا المنتظر الزيدى العراقى الحر التى احب ان ينقل رسالة للعالم كلة ان النخوة ورفض الاستعمار لايزول من الاحرار مهما طالت مدة الاحتلال ورسالة اخرى ان محاولات تدجين الشعوب من قبل المستعمرين لا تنجح مهما انفقت المليارات من الدولارات ومهما قدم الشعب اكثر من مليون ونصف قتيل حتى الان بأختصار كدة واسمحولى اقولها بالمصرى بتاعنا انا سعيد انا لسة فى بقايا من البتاع الاحمر دة اللى بيقولوا علية دم  بيجرى فى عروق الناس فى منطقتنا العربية .... حاجة تفرح بصراحة .. انا مبسوط 

Sunday, December 14, 2008

يا بلادى .. يا أحلى البلاد

فـــــــداكى أنــــــــا و الــــولاد يـــا بـــــــــلادى

ما شفـــش الأمـــل فى عـيـــــون الـــولاد وصبــايـــــا البــــلد

على بالى .. يا مصر


فى ليلة عشق وخدانى

Saturday, December 13, 2008

أصل اللى بيحصل ميضحكش

فى زحمة الحياة ماشيين .. ممكن نكون عارفين او مش عارفين
ممكن تقول تايهين ... بس الأكيد .. إننا حاسين باللى أحنا فية
كتير بندفن دماغنا ... بناكل ولادنا .. بننسى سلاحنا وكفاحنا
وننكسر ... ننهزم .. تنزل دموعنا .. يوطه صوتنا لحد ما ينحشر
ويبقى الحلو فينا ابو وش كشر
زعلان ..؟؟ طهقان .. ؟؟ قرفان .. ؟؟ مبتضحكش .. ؟؟
بصراحة ؟!! ....... أصل اللى بيحصل ميضحكش

Friday, December 12, 2008

أطفال بدرجة أستاذ

جتلى مرة فرصة إنى ادخل احد الفصول فى مدرسة اطفال

وقررت إنى أسئلهم سؤال غريب عشان أشوف رد فعلهم

وكان السؤال : مين منكم يعرف يسوق الطايرة البوينج ؟

فى حدود 95% من الأطفال فى حماس رفعوا أيدهم ...

فى عالم الطفولة لا حدود للأحلام ولا معوقات

أعتقد دة اللى بيفقدة كتير منا لما بيكبروا وبيخليهم عندهم أحساس دائم بالعجز

بيبنوا سقوف لإحلامهم لأنهم بيحطوا قيود حتى .. على أبسط احلامهم

خلص الدرس ... لموا الكراريس

Wednesday, December 10, 2008

رغم قتامة الصور !!

رغم كل الحزن الذى يضرب أركانك بكل عنف هناك دائما بقعة ضوء
تعيد إليك الأمل بكل قوة ...و تذكر وأنت تخبر نفسك بمدى قتامة الصور من حولك أنك لا تحتاج إلى دموعك ولكنك تحتاج الى أن تبدأ التغير الأن ...

Friday, December 5, 2008

حلم طفل



كان هناك طفل صغير ... يرى فى احلامة وهو صغيرهذا الوطن كلة دولة واحدة ... كان فى احلامه يمشى من مصر الى لبنان الى سوريا الى العراق الى الخليج والسودان والمغرب وتونس و..و..و..و..و..و ..
لا حدود ولا اسوار ولا جوازات سفر ورقية ولا بطاقات شخصية مدون بها خانة الجنسية ... فكان يكيفة ان يتحدث العربية ليعرفوا انه منهم ويسمحون لة بالعبور ...


وكبر الطفل وصعب الحلم ولم يصل الى مرحلة الحقيقة .. ربما ليس اليوم وربما بعد سنة او سنين وربما ليس فى حياتى .. فأسلافى حفروا القناة ونحن نعيش فى خيرها منذ سنين وابطال حرب اكتوبر حرورا الارض وصنعوا النصر الذى نتباهى نحن بة اليوم ... لذا فهذا الطفل يكفية سعادة ان يأتى من بعدة من يلمس حدود هذا الحلم ويدركة ويعيشة ويراة نورا يملأ الارض وحقا ساطعا منيرا .. يحكى حكاية شعبا أقسم على وحدة المصير ....
الامضاء : هو

نيجرى بية - محمد منير

نيجري بيه .. نيجري بيه .. نيجري بيه .. إري
نيجري بيه .. نيجري بيه .. نيجري بيه .. إري

نيجري بيه .. نيجري بيه .. نيجري بيه .. إري
نيجري بيه .. نيجري بيه .. نيجري بيه .. إري

شيل كيكير مورلو فوتنا ... إشكوساك اير مورلو فوتنا
مينـــــــــــا .. هينـــــــــــا
شيل كيكير مورلو فوتنا ... إشكوساك اير مورلو فوتنا
مينـــــــــــا .. هينـــــــــــا

نيجري بيه .. نيجري بيه .. نيجري بيه .. إري
نيجري بيه .. نيجري بيه .. نيجري بيه .. إري

النونو نيني عينيه غنى ... ضحكة عيونه من الجنة
ده النونو نيني عينيه غنى ... ضحكة عيونه من الجنة
مينـــــــــــا .. هينـــــــــــا

النونو دبة خطوتها ... خطفت عيونا وشغلتها
النونو دبة خطوتها ... خطفت عيونا وشغلتها
مينـــــــــــا .. هينـــــــــــا

نيجري بيه .. نيجري بيه .. نيجري بيه .. إري
نيجري بيه .. نيجري بيه .. نيجري بيه .. إري

ياي .. ياي .. ياي .. ياي .. ياي .. ياي .. ياي
ياي .. ياي .. ياي .. ياي .. ياي .. ياي .. ياي
يـــــــــــــــــاي .. يـــــــــــــــــاي

يونس - محمد منير

جاي من البلاد البعيدة ... لا زاد ولا مياه
وغربتي صحبتي ... بتحوم حواليا
وأنتي تقوليلي بحبك ... تحبي إيه فيا
وده حب إيه .. ده .. اللي من غير
أي حريــــــــــــــــــة

يونس في بلاد الشوق … أه يا ولد الهلالي
بتونسني دموع العين ... وأنا سايب أهالي
أه يا ولد الهلالي ... لا عليا ولا بي
يا عزيزة يا بنت السلطان ... لو يتغير الزمان
وقابلتيني في أي مكان ... كنت اعشق من غير ما تقولي 
يونـــــــــس .... أنا يونس

كنت هقول اهو ده المحبوب ... ويدوب قلبي قبل ما أدوب
أه يا ولد الهلالي ... لا عليا ولا بي
أنا يونس .. ونسيت مين يونس .. والدنيا مالت عليا

قلبي ضايع مين يلاقيه لي ... بايني نسيته حدا أهالي
ينفع احبك من غير قلبي ... ما تردوا عليها وعليا
أه يا ولد الهلالي ... لا عليا ولا بي
يا عزيزة يا بنت السلطان ... لو يتغير الزمان
وقابلتيني في أي مكان ... كنت اعشق من غير ما تقولي 
يونـــــــــس .... أنا يونس

كنت هقول اهو ده المحبوب ... ويدوب قلبي قبل ما أدوب
أه يا ولد الهلالي ... لا عليا ولا بي
أنا يونس .. ونسيت مين يونس .. والدنيا مالت عليا

يونس في بلاد الشوق … أه يا ولد الهلالي
بتونسني دموع العين ... وأنا سايب أهالي
أه يا ولد الهلالي ... لا عليا ولا بي
أنا يونس .. ونسيت مين يونس .. والدنيا مالت عليا



طعم البيوت - محمد منير

طعم الحاجات ... بيعيش ساعات

ويدوب قوام ... وقوام يفوت

جوا القلوب … والذكريات

ما يعيش غير ... طعم البيوت

جدران بتحضن جوا منها قلوب كتيــر

وأبواب بتقفل عالجنايني وعالوزير

شباك موارب من ورآه واقفة الصبايا

قضوا النهار في الوقفة قدام المرايا

أسرار كتير على دي البيوت

في الشارع الطيب يا ناس

ما يبنش منها غير إلي يطلع منه صوت

اللمة لما تحلى في ساعة العصاري

تفتح مزاد عالحب تلقي ألف شاري

شريط بيفضل من البداية للنهاية

وكل ركن في قلبه يحكيلك حكاية

وكفاية لما بتلاقيه ... فاتح ذراعه وبيناديك

ويقول تعالا في حضني ده أنت واحشني موت



من غير كسوف - محمد منير

من غير كسوف ... قولتي أنا عشقاك 
أنا بعترف بهواك … ده أنا من زمان عيزاك
تبقى حبيب قلبي

من غير كسوف ... سبتي الكلام يتقال
معرفش ليه أتقال ... كأنه كان موال 
بترددي جنبي

مشيت وياكي للأخر ... آتاري أولك أخر 
عنيكي خدتني للحلم اللي مبيكملش
كلام خلى أحلامي ... تشوفني وأشوفها قدامى
وهمتيني وخلاص مقدرش متكلمش

من غير كسوف … أيوه أنا مليت
من كتر ماستنيت ... وتعبت لما داريت
إحساسي بعنيكي

من غير كسوف … انتي اللي أنا حبيت
وعشقت وتمنيت … شلتك في قلبي سنين
عمال اخبيكي

مشيت وياكي للأخر ... آتاري أولك أخر 
عنيكي خدتني للحلم اللي مبيكملش
كلام خلى أحلامي ... تشوفني وأشوفها قدامى
وهمتيني وخلاص مقدرش متكلمش



حكاية الربع جنية


مرة واحد كان معاه ربع جنيه.. ففكر يعمل بيه إيه.. يشرب عصير قصب و لا يركب الأتوبيس فقال : أنا لو ركبت الأتوبيس حيبقي في حل من إثنين: يإما حقف أو حقعد لو وقفت مش حيبقي في أي مشكلة لكن لو قعدت حيبقي في حل من إثنين: يإما حيقعد جنبي راجل أو تقعد جنبي ست أنا لوقعدت بجانب راجل مفيش مشكلة لكن لو قعدت بجانب ست حيبقي في حل من إثنين: يا اما حنعجب ببعض يا إما مش حنعجب ببعض لو ماعجبناش ببعض مفيش مشكلة لكن لو عجبنا بعض حيبقي في حل من إثنين: يا اما حنتجوز يا اما مش حنتجوز لو ما تجوزناش مفيش مشكلة لكن لو إتجوزنا حيبقي في حل من إثنين: يا اما حنختلف يا اما مش حنختلف لو مختلفناش مفيش مشكلة لكن لو اختلفنا حيبقي في حل من إثنين : يا اما حنخلف ولد أو بنت لو خلفنا بنت مفيش مشكلة لكن لو خلفنا ولد حيبقي في حل من إثنين: يا اما حيستقيم أو حينحرف لو إستقام مفيش مشكلة لكن لو إنحرف حيبقي في حل من إثنين: يا اما يدمن أو مش حيدمن لو ما ادمنش مفيش مشكلة لكن لو أدمن حيبقي في حل من إثنين: يا اما حيبقي معاه فلوس أو معهوش لو كان معاه فلوس مفيش مشكلة لكن لو كان عايز فلوس حيبقي في حل من إثنين: يا اما حيسرقني أو حيقتلني لو سرقني مفيش مشكلة لكن لو قتلني .. يقتلني ؟؟!!!!!!!!! لا ياعم أنا أشرب عصير قصب أحسن

تحسبها صح ... تعيشها صح !!!!

مفيش حاجة وجعة قلبى ومسببلى انتفاخات زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح ... تعيشها صح ... مستفزززززز جدا .... واحد بيوفر فى استهلاك الكهربا واللقطة اللى بعدها المحروس بيجرى ورا عيالة فى الشالية بتاعة فى بورتو السخنة !!! وبعدين رمش العين وفرت من مصروفها وجابت لاب توب !!! مصروف اية فى ليلتكم الزرقا على دماغكم اللى بيجيب لاب توب !!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود ( على فكرة احلى تحية للهنود بتوع النووى ) .... احسبها صح ... تعيشها صح .... وعلية خدوا عندكم بقى هى جات على يعنى ....
توتى وفر فى فلوس المخدرات بتاعتة وجاب عربية هامر جديدة تحسبها صح .... تعيشها صح
نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش رجعة تحسبها صح .... تعيشها صح سهير بتشرب علبة سجاير واحدة بس بدل اتنين وبفلوسها حجزت شهر فى الفورسيزووووون فى الرويال سويت تحسبها صح .... تعيشها صح
حنكش قلب بقيت فلوس العيش اللى مامتة كانت بتيدهلوا وبيهم دفع مصاريف الجامعة الامريكية تحسبها صح .... تعيشها صح
عم حسين بواب العمارة وفر التبيس اللى بياخدوا من السكان واشترى رينالدو بتاع البرازيل تحسبها صح .... تعيشها صح
عادل صاحب شركة استيراد خصم من كل الموظفين 10 ايام وبيهم جاب خاتم سوليتر للفيونكة بتاعتة تحسبها صح .... تعيشها صح صبحى وفر فى اكل الجبنة الروووومى وجاب فيلا فى التجمع الخامس بالبسين وجاب عومة وزة كمان تحسبها صح .... تعيشها صح طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحة فى لندن وبيقضى شهر العسل فى الكاريبى تحسبها صح .... تعيشها صح
نداء الى اصحاب القلوب الرحيمة وجمعيات الرفق بالانسان والحيوان....
اوقفوا الاعلان دة او وفرولنا ادوية مكافحة الحمووووووضة

الحمار المخطط

مشكلتنا فى وطنا العربى عموما اننا معندناش تخطيط
وان الشيئ الوحيد اللى مخطط عندنا هو الحمار المخطط
ودى العلاقة الوحيدة بنا وبين التخطيط
المشكلة بقى ان الحمار المخطط للأسف اللى فلحنا فية مالوش جذور عربية
يادددددى الوكسة المخططة

Thursday, December 4, 2008

مفترق الطريق ..!


مفترق الطريق 
كلمات الأسطورة : صلاح جاهين 
الحان الرائع : كمال الطويل 
غناء قطعة السكر : ماجدة الرومى 
ساعات أقوم الصبح قلبي حزين 
أطل بره الباب .. ياخدني الحنين 
اللي اشتريته انباع .. واللي لقيته ضاع 
واللي قابلته راح ..
و فات الحنين

واأرجع وأقول 
لسه الطيور بتفن .. والنحليات بتطن
والطفل ضحكه يرن
مع إن .. مش كل البشر فرحانين
.
حبيبي سكر مر طعم الهوي 
فرق ما بينا قلبين ما عدناش سوا 
حرام عليك يا عذاب .. نبقي كده أغراب 
دا البعد والله جرح من غير دوا. 

آدي اللي كان و آدي القدر و آدي المصير 
نودع الماضي .. و حلمه الكبير 
نودع الأفراح .. نودع الأشباح 
راح اللي راح ماعادش فاضل كتير 

إيه العمل في الوقت ده يا صديق 
غير إننا عند إفتراق الطريق 
نبص قدامنا .. على شمس أحلامنا 
نلقاها بتشق السحاب الغميق

وأرجع وأقول 
لسه الطيور بتفن .. والنحليات بتطن
والطفل ضحكه يرن
مع إن .. مش كل البشر فرحانين 


بلا حسابات


عندما يسرى حبك فى اوردتى كالترياق .. اغمض عينى فى سلام بلا حسابات .. واترك نفسى للمصير



سؤال كل يوم ...

التوقيت : الصبح بدرى
المكان : الجراج اللى تحت بيتنا
بطولة : البواب وانا
نزلت العربية ودروتها ونزلت الهاند بريك وبجيب مرشدير البواب فى الخلفية بيجرى جاى ناحيتى ...
سسبنس من البواب ... زهق منى
بكل ذوق فتحت الشباك .....
انا : خير فى حاجة يا حمدى ؟؟؟
البواب : لأ .. هو حضرتك يا بية رايح الشغل ؟؟
انا : لأ العربية بصراحة وحشتانى قلت انزل اقمع البامية فيها وانا سايق
ستوووووووووب .... كتتتتتتتتتتتتتتتتت

نشرة اخبار التاسعة



اعزائى المشاهدين اليكم نشرة اخبار التاسعة ....
مقتل 10 فلسطنيين فى جنين من جراء هجوم للقوات الاسرائيلية .. وانفجار فى بغداد يطيح بعدد 66عراقى ..
مقتل 90 اندونيسى فى زالزل بلغت قوتة 6 درجات على مقياس ريختر .. وسقوط 134 فى حادثة طائرة فى المكسيك

طيب ياعم ما تقول مصرع 300 فى نشرة اخبار التاسعة وتخلص يا ابن الـ.. تييييييييييييت !!