لما النسيم

رسالة للأمين العام

Recep Tayyip Erdoğan

We all support you at your left DAVOS 2009 ,With all respect and appreciation

الى الامين العام لجامعة الدول العربية

بدون تحية اما بعد .. متشكرين على انك صقفت للسيد رجب طيب ارودغان على انسحابة من مؤتمر دافوس لانهم مخلوهوش يرد على الاكاذيب بتاعت رئيس دولة الكيان فالرجل لم ورقة وقالهم انا مش حاضر المؤتمر تانى وغادر الى تركيا ... استغربنا جميعا انك بعد ما صقفت للسيد رجب طيب ارودغان انك قعدت ومعملتش اللى عملة وانسحبت انت كمان ردا على الاكاذيب !!! اللى استغربوا عايزين يسألوا سؤال هو اللى قالة اللى اسمة بيريس كان صح ؟؟ طيب انت صقفت يعنى موافق على رد فعل السيد رجب اوردغان ؟؟ طيب ما دام موافق كملت قعدة لية ؟؟؟ طيب هى غزة دى مقاطعة تتبع الاناضول او الباب العالى فى تركيا ولا تتبع الدول المهلبية ؟؟ بما انك عارف كل الكلام زى ما قال عادل امام فى مسرحية شاهد ماشفش حاجة بصفتك الامين العام للدول العربية مش التركية ... امتى احنا كعرب هنتنقل من مرحلة التصفيق فى المؤتمرات الى مرحلة الاعتراض المشرف ؟؟؟ مش طلبين تحاربوا فى المؤتمر مجرد اعتراض بشكل محترم

نفس الطريق .. نفس الطريقة ... نفس النتيجة

بعت اوباما ميتشل فى جولة تفقدية الى مصر ودولة الكيان

وفلسطين والاردن وبعد كدة هيعرض الموقف على اوباما "يعنى جولة استطلاعية "للأسف احنا مش بنستفيد من دروس الماضى السؤال اللى مش محتاج فكاكة هما بيتفقدوا اية ؟؟ بعد 60 سنة على قضية فلسطين اية اللى مش معروف او ممكن يكون مجهول؟؟وبعدين فلقين دماغنا السيستم الغربى السيستم الغربى عندنا مخابرات بتجيب دبة النملة وعندنا محللين على اعلى مستوى وعندنا رؤية متحضرة ومش عارف اية على دماغهم... ولا كل ما رئيس جديد يمسك حكم الولايات المتحدة يبعت حد يستطلع فى اول حكمة وبعدين يرجع يحكى وبعدين يفكروا وبعدين يقرروا وبعدين يعملولنا كام اجتماع تمهيدى على كولكشن مؤتمرات سلام أشى اوسلو على مدريد على شرم الشيخ ومفيش مانع برضو نقعد قعدة فى منتجع كامب ديفيد علشان نديها سلام وناخد فكرة على السيستم الفظيع للمنظومة البقرية الغربية ... وبعدين هووووووب ...يجيى ميعاد الانتخابات الامريكية او الاسرائيلية ويتأجل الموضوع شوية وبعدين اسرائيل تقوم قتلة واحد فلسطينى ... تقوم فلسطين ضربة صاروخ كرد على قتل الراجل فنقوم نبتدى من الاول للمرة الالف ... يبعتولنا اسم جديد يستطلع وبعدين يحكى وبعدين يقرر .... أووووووف ... زهقنا من الفيلم الممل دة

من طيبة للأندلس

From Thebes to Andalusia

مين فينا عاقل ومين مجنون ؟؟

• تصريحات حكومية : المواطن هدفنا !!!

• بنقول للشباب اللى ماشى لابس البنطلونات اللى واقعة

Low Waist

والبنات اللى ماشية من غير هدوم فى الشارع فى محاولة لتقليد الغرب فى فرق كبير بين الحضارة والدعارة

• قرار مجلس الامن بخصوص الحرب على غزة بأختصار ... شيك بدون رصيد

• بعد الكمية اللامتناهية من المشاعر النبيلة والاحساسيس المرهفة اللى بتتحفنا بيها الفنانة "يسرا" فى كل مسلسل رمضانى مرة بتقاوم الرشوة وبتعرق عشان تربى ولادها ومرة بتعمل مش عارف اية فى مستشفى ومرة نصيرة الغلابة والمقهورين ، اعتقد المسلسل بتاع رمضان اللى جاى بالفكاكة كدة هتكون قصتة عن سيدة فى متوسط العمر سافرت البوسنة والهرسك علشان تحمى الاطفال هناك من شم الكولة وانهم ميمشوش حافيين من غير شبشب !!!

• احسن حاجة فى الفضائيات غير الكلام الكبير بتاع خلت العالم قرية صغيرة والخبر اللى فى المكسيك تعرفوا بعد دقيقة من حدوثه انى بقالى تقريبا اكتر من 7 سنين مقلبتش على القناة والاولى والتانية ... احمدك يارررررب

• مشكلة العرب فى التعامل مع الحرب على غزة انهم أتصرفوا كأنهم ميعرفوش ولما عرفوا متصرفوش ولما اتصرفوا معملوش .. دى ياجماعة اسمها المعادلة البتنجانية فى الرياضيات المهلبية

• الماس الكهربائى السبب الرئيسى فى حريق مجلس الشورى وحريق الاوبرا وحريق القاهرة بتاع الثورة وخرم الاوزون وفوز اوباما وهزيمة النادى الاهلى فى اليابان ... سونة اجدع ناس !!!

الدنجوان والسندريلا... يا واد يا تقيل

أقلام رصاص

• الغباء الاسرائيلى نعمة واللى يكرها يعمى ، كل مرة تصر على انها تولع الفرن وبعدين تدخل فية برجلها.. نعيما

• قررت اسرائيل ان تدفع فاتورة 25 مليون دولار يوميا لمدة 23 يوم للقضاء على حماس فخرجت حماس اكتر قوة وشرعية فى فلسطين والعالم رغم دفع اسرائيل كل الفلوس دى - راجع نقطة الغباء الاسرائيلى وسنينة

• قمة الرياض - قمة الدوحة - قمة شرم الشيخ - قمة الكويت ... ضجيج اعلامى... مين يزود

• خروج الشارع العربى من الخليج للمحيط فى مظاهرات لمدة 23 يوم عشان يقدموا الدعم المعنوى والمالى المتاح حقق حاجة جديدة لاول مرة فى تاريخنا الحديث لم تحققة جامعة الدول المهلبية ... الأجماع العربى

• مشكلة العرب اثناء الحرب على غزة كانت القمة واخوات الانعقاد ( زى كان واخواتها ) وقت الانعقاد - بلد الانعقاد - مواضيع الانعقاد - قرارات الانعقاد - بيان الانعقاد وفى النهاية برضو هى نفس النتائج والتصريحات بتاعت الميلون انعقاد اللى قبل كدة

• اسرائيل دولة ترسم تاريخها بدماء الابرياء لذلك سيأتى يوما يتحول فية هذا التاريخ الى كابوس ويخرج الدم من صفحات التاريخ ليكتب نهايتها

• اسجل اعجابى بموقف النواب الكويتيين الذين رفضوا استقبال ابو مازن ( الحاج عباس ) لان فترة ولايتة انتهت وانتفت صفتة كمتحدث بأسم السلطة الفلسطينية وثانيا لانة لا يمثل الوضع فى غزة لانة كان عمدة رام الله وعلى رأى المثل أهل غزة أدرى بشعابها

قالوا من هوليوود

انظروا لتاريخ اسرائيل لتعرفوا من هم الأهاربيون - ال بتشيانو

بوش و اولمرت وكوندليزا اسماء سيظل التاريخ يلعنها - جورج كلونى

اسكندرية .. طاير يا هوى

Dear People of Nuba - اهل النوبة الكرام

Arabian Horse - الحصان العربى

الرئيس البوليفى شكرا على قطع العلاقات مع اسرائيل

The people of Bolivia
&
Evo Morales

Thank you for severs Israeli ties , the country which killing children and women

بيانات اسرائيلية

اليوم الأول للحرب على غزة – التلفزيون الإسرائيلي

المذيعة : وقال المتحدث الرسمي للحكومة الإسرائيلية أن الهدف من العملية :
القضاء التام والكامل على حماس ومنع اى صواريخ من الانطلاق على إسرائيل والقضاء على كوادر حماس وتوفير الأمن والأمان لإسرائيل

اليوم الـ 10 للحرب على غزة – التلفزيون الإسرائيلي

المذيعة : وقال المتحدث الرسمي للحكومة الإسرائيلية أن الهدف من العملية :
تأديب حركة حماس وتقليل عدد الصواريخ المنطلقة صوب إسرائيل

اليوم الـ 18 للحرب على غزة – التلفزيون الإسرائيلي

المذيعة : وقال المتحدث الرسمي للحكومة الإسرائيلية أن الهدف من العملية :
تقليل سيطرة حماس وان يطلق على إسرائيل 5 صواريخ فى اليوم فقط

اليوم ........ للحرب على غزة – التلفزيون الإسرائيلي

المذيعة : وقال المتحدث الرسمي للحكومة الإسرائيلية أن الهدف من العملية :
أننا نطلع بس بالسلامة من غزة وموضوع الصواريخ ده نبقى نتفق علية بعدين ... ما هو كل شيئ بالخناق إلا الصواريخ بالاتفاق يا جدعان !!!!

اعلام الانكسار

فى بعض وسائل الأعلام العربي عايشه حالة من الانفصال والانفصام عن الواقع في حالة الحرب على غزة وبتحاول تصدر لنا حالة من اليأس وثقافة الهزيمة والانكسار ...لصالح أية ؟؟ ولصالح مين ؟؟؟ اعتقد أن اللي في غزة دول مسلمين عرب ومسيحيين من أصول عربية ... يعنى زينا وبعدين تحس ساعات أن في حالة من الخطاب الموجة الخبيث بيحاول يوصلنا قال أية ؟ أن المقاومة السبب في قتل المدنيين !!!! اللي فاهم كدة غلطان واللي بيحاول يفهمنا كده بنقوله مش عايزين حد يضحك علينا ... في حرب تحرير الجزائر وقع مليون شهيد ومسمعناش أن حد قال أن المقاومة هى السبب و فى الثورة الفرنسية والإنجليزية محدش طلع علينا وقال ان التحرر ومقاومة الاحتلال كان السبب في قتل مدنيين فى الدول دي .... سؤال يا جماعة هو المطلوب ان المحتل ياخد وطنى وارضى وأشوفوا كل يوم بيموت اهلى وأنا ادخل علية ببوكية ورد ؟؟؟!! ولا المفروض أقول لأ انا هفضل محتل ومعنديش كرامة عشان المدنيين ميموتوش ؟؟؟!!! اللي بيقتل الفلسطينيين الاجتياح بتاع جيش إسرائيل واللى بيقصف المدنيين في غزة طائرات إسرائيل مش عايزين إسقاطات في غير محلها ... وعلى العموم ... أحب أقول لإعلام الانكسار إسرائيل هتاخد على قفاها فى الحرب دي زى برضو ما اخدت على قفاها من اول حرب أكتوبر 1973 ومرورا بحرب لبنان 2006 ( هما ابتدوا يدمنوا موضوع القفا دة وأحنا مش حنحرمهم منة ) جون ستيوارت الاذاعى الامريكى اللامع والمشهور وصاحب البرنامج الشهير فى امريكا Daily Show قال تعليقا على رد المقاومة على الهجوم الاسرائيلى " أنا أتفهم ما يشعر به الرجل عندما يضطر أن يعيش في مكان ضيق ولا يستطيع المشي ألا عبر المرور على العديد من نقاط التفتيش في كل مرة يحتاج أن يدخل فيها إلى الحمام " اهو الراجل اللي مش مننا نطق وتفهم وانتو نقولكم تور تقولننا احلبوه ... أقولكم كمان مفاجئة مش الراجل ده طلع يهودي ... فعيب اختشووووا .. ملحوظة قبل ما نقفل ... شعبولا لحد دلوقتى مطلعش علينا بأغنية عن غزة مع انو مبيفوتش سبوبة زى كدة فى العادة علا المانع خير ..... وهييييييييية .... يلا خلصنا ... اقعدوا بالعافية .

رجب طيب اوردغان

THANKS

Recep Tayyip Erdoğan

&

our friends from Turkey

 for your support  to Palestine

انا بعشق البحر

أنا بعشق البحر
زيك يا حبيبي حنون 
و ساعات زيك مجنون 
و مهاجر و مسافر 
و ساعات زيك حيران
و ساعات زيك زعلان
و ساعات مليان بلصمت
انا بعشق البحر 

أنا بعشق السما 
علشان زيك مسامحة
مزروعة نجوم وفرحة 
وحبيبة وغريبة 
عشان زيك بعيدة
و ساعات زيك قريبة
بعيون متنغمة 
انا بعشق السما 

أنا بعشق الطريق
لأنه فيه لقائنا
و فرحنا وشقائنا 
و أصحابنا و شبابنا 
و فيه ضحكة دموعنا 
و فيه بكيت شموعنا
و ضاع فيه الصديق 
انا بعشق الطريق 

انا بعشق البحر
و بعشق السما
و بعشق الطريق
لأنهم حياة 
و انت يا حبيبي 
أنت كل الحياة

عاشت فنزويلا حرة عربية

Viva Venezuela, Viva Hugo Chávez

Thank you for your support to Palestine

We appreciate

انت عمرى - ريميكس - كوكب الشرق ام كلثوم

راجعين

رغم طول الحصار ... رغم أرتفاع الجدار ... هعيش ... ميهمنيش ... ممكن تكون شايل سلاح ... مليان رصاص ... ممكن تكون مخبى الف سكين ... بس الاكيد ان جواك خوف مليك ... من اصرارى العنيد ... من حلمى الكبير ... لاننا أكيد راجعين

مصر على نغمات عمر خيرت

حال الدنيا

للدنيا الجديدة خرجت ... أتفرجت .... الحال برة مش سهل رغم الوسع ... جوة كان زنقة ورغم كدة محستش إنى أتحررت ... لازم تأوح ... لازم تكافح ... لازم تحارب  ... عشان اللى انت حاسس بية يقدر يوصل للناس بالظبط