Monday, April 27, 2009

ديربان لا مؤاخذة 2

أعلنت الولايات المتحدة البرجوازية مقاطعتها وبعض الدول الاوروبية لمؤتمر الأمم المتحدة المناهض للعنصرية ديربان لا مؤاخذة 2 لأن الليلة هتبقى على اسرائيل على حسب ما صرح الناطق الرسمى البرجوازى كما اعلنت عدة دول أخرى مقاطعتها للمؤتمر ديربان لا مؤاخذة 2 لانهم مستغربين من الافترى والكلام اللى بيتقال على الغلبانة اسرائيل !!! والاتهامات ليل ونهار على انهم عنصريين وولاد تيييييييت وطلع الناطق الرسمى الاوروبى وحلف بالطلاق ان اسرائيل مش بنت تييييت وان اللى قتلتهم اسرائيل فى حربها على غزة كان 1499 قتيل مش زى ما الاعلام بيقول بيضخم الصورة بشكل مبالغ فية وبيقول 1500 وهو دة الافترى بعينة ورفع ايدة وشاور بعصبية وقال ابقوا اقروا التاريخ ( نقرأ انى تاريخ يا ابن تتييييييت ) وعلى الصعيد الاخر اكد الناطق الايرانى ان اسرائيل مش بنت تيييييت زى ما صرح الناطق الاوروبى ... لانها بنت 60 تيييييييييييت ، فيما تبارى بعض الناطقين العرب ( اللى رفضوا ذكر اسمائهم طبعا ) ففى ناس قالت 90 تييييت وناس قالت 120 تيييييت وناس قالت على بـ 186 تييييت فيما رسى المزاد على احد الاثرياء العرب بـ 217 تييييت ( مبروك للفايز ) وخلص مؤتمر ديربان لا مؤاخذة 2 وعقبال ديربان 3 ولا حتى ديربان 9 ... ماهو كلو برتقان

No comments: