Thursday, December 4, 2008

مفترق الطريق ..!


مفترق الطريق 
كلمات الأسطورة : صلاح جاهين 
الحان الرائع : كمال الطويل 
غناء قطعة السكر : ماجدة الرومى 
ساعات أقوم الصبح قلبي حزين 
أطل بره الباب .. ياخدني الحنين 
اللي اشتريته انباع .. واللي لقيته ضاع 
واللي قابلته راح ..
و فات الحنين

واأرجع وأقول 
لسه الطيور بتفن .. والنحليات بتطن
والطفل ضحكه يرن
مع إن .. مش كل البشر فرحانين
.
حبيبي سكر مر طعم الهوي 
فرق ما بينا قلبين ما عدناش سوا 
حرام عليك يا عذاب .. نبقي كده أغراب 
دا البعد والله جرح من غير دوا. 

آدي اللي كان و آدي القدر و آدي المصير 
نودع الماضي .. و حلمه الكبير 
نودع الأفراح .. نودع الأشباح 
راح اللي راح ماعادش فاضل كتير 

إيه العمل في الوقت ده يا صديق 
غير إننا عند إفتراق الطريق 
نبص قدامنا .. على شمس أحلامنا 
نلقاها بتشق السحاب الغميق

وأرجع وأقول 
لسه الطيور بتفن .. والنحليات بتطن
والطفل ضحكه يرن
مع إن .. مش كل البشر فرحانين 


2 comments:

Anonymous said...

إيه العمل في الوقت ده يا صديق
غير إننا عند إفتراق الطريق
نبص قدامنا .. على شمس أحلامنا
نلقاها بتشق السحاب الغميق

كلمات بتمس القلب من جوه
ولحن بيطير بيك لفوق .. فوق السحاب توصل بيك لحد ما تلمس السما

Salolo said...

احمد بهاء شكرا على المرور والتعليق ياباشا ومفيش احلى من كدة معنى لما يلتقى التلات قمم جاهين والطويل وماجدة الرومى ... تحياتى